Xom ashyo - lityum temir fosfat bir qator foydali xususiyatlarga ega: asta-sekinlik bilan issiqlikning hosil bo'lishi, past darajada issiqlik tarqalishi va kislorodning ajralib chiqmasligi. Yassi to'rtburchak shaklidagi noyob shakli sovutish va oldindan isitish samaradorligini ham oshiradi. Blade batareyasi yong'in yoki tutun chiqarmasdan mix kirishiga sinovdan muvaffaqiyatli o'tgan.
Mixning kirishiga sinovdan o’tkazish batareyalarning issiqlikdan zaryadsizlanishini tekshirishning eng qat’iy usullaridan biri hisoblanadi. Maqsad - batareyada ichki qisqa tutashuvni imitatsiya qilishdir. Bu, odatda, jiddiy yo'l-transport hodisasi paytida batareyaga tashqi o'tkir metall buyumlar kirishi natijasida yuzaga keladi. Blade batareyasi tutun yoki olov chiqarmasdan mixning kirishiga sinovdan o'tgan. Sirt harorati faqatgina 30-60°C ga yetgan xolos.
Bitta qadoqdagi massiv ko’rinishida joylashtirilgan har bir katak (yacheyka) kuchli ta’sirga qarshi bardosh berishga yordam beradigan tuzilmaviy to’sin bo'lib xizmat qiladi. Blokning yuqori va pastki qismida yuqori darajada mustahkam panellarga ega bo'lgan ari uyasiga o'xshash alyuminiydan tayyorlangan tuzilmasi vertikal yo’nalishda qattiqlikni sezilarli darajada oshiradi. Aynan shu inqilobiy dizayn Blade batareyasini optimal mustahkamlik bilan ta’minlaydi.
An'anaviy akkumulayator bloklariga qaraganda, Blade batareyasi egallagan maydon 50% dan ko'proqqa kattalashtirilgan, bu esa yuqori energiya zichligi va harakatlanishning katta uzoqlikdagi masofasini ta’minlaydi.
Blade Battery batareyasi uzoq xizmat qilish muddatiga ega - 5000 dan ortiq zaryadlash va zaryadsizlantirish sikllari.
Aerokosmik sinfi materialidan (alyuminiy-kremniy karbid) foydalangan holda, yuqori darajada integratsiyalangan SiC moduli elektr dvigatelining FIK-ni optimallashtiradi va shuning uchun avtomashinaning yurish zaxirasini ko’paytiradi.
Ilg'or energiya tejovchi issiqlik nasosi tizimi standart butlovga kiritilgan. Keng harorat oralig'ida ishonchli bo'lgan tizim atrof-muhit, transmissiya, yo'lovchilar saloni va hatto batareyalarning qoldiq issiqligidan samarali foydalanish uchun mo'ljallangan. Bu issiqlik samaradorligini oshiradi va isitish yoki sovutish paytida energiya yo'qotishlarini kamaytiradi.
